تصدق وإلا ما تِصَدِّق .. أنا عَاجِزْ عَـنْ التفكيـر ..
تعَالْ وشُوفْ في عينِـك غِيابـكْ وشْ عَمَـلْ فينـي ,,
حبيبي ما بُقى عِنـدي صَبـرْ .. يتْحَمَّـلْ التأخيـر ..
رَحَلتْ .. وعِقبكْ الدنيا غلاهـا طـاح مِـنْ عينـي ,,
أجَاوبْ اللِّي يسْألني عَـنْ أخْبَـاري وأقـولْ بخيـر ..
وأنـا لا خِيـر بغيابـكْ .. ولا حَـاجَـه .. تهنيـنـي ,,
علـى طاريـكْ كِـلْ لحظـه .. ولا أحتـاج للتذكـيـر ..
حَريصْ القلب ما ينسَـى عيونِـكْ , لا توصينـي ,,
مَحَدْ يِقْدَر يعَوِّضْنِـي لأنِّـكْ .. فـي عيُونـي غيـر ..
ومَهْمَا شِفتْ أنا الفرحَـه .. بدونِـكْ مـا تسلينـي ,,
وكيف الحَالْ وشلوني .. جَوابٍ ما يَبـي تفسيـر ..
بدونِكْ إنتْ , ما تِضْحَكْ حَياتي وترْمِشْ سنينـي ,,
مِثلْ شَاعِرْ عِجَزْ يوصَفْ شعُوره وخانه التعبيـر ..
أنا ضايع .. ولا أدري مِـنْ فراقِـكْ .. أنـا وينـي ,,
مِثلْ طيـرٍ كِسَـرْ بُعْـدِكْ جَناحَـه ومـا قِـدَرتْ اطيـر ..
أحَــاولْ أبْتِـسِـمْ وأنْـسَـى ولـكـنْ وشْ ينسيـنـي..؟!
أشُوفِكْ في صباحي إنتْ مَعْنَـى يـا صبـاح الخيـر ..
وأشُوفِكْ في مَسَائي حِلْـم وردي .. لا تصحينـي ,,
تِصَدِّق .. السَهَر يَرْسِمْ عيُوني ويتْقِنْ التصوير ..
ويشِقْ النُور في صفحة حياتـي .. ومـا ألاقينـي ,,
أنامْ شلـونْ ومشكلتـي عِجـزتْ ألقـى لَهَـا تدبيـر ..
طِلَبـتْ النُـومْ .. لحظاتـه وعيَّـا الـنُـوم يعطيـنـي ,,
تغيَّر وجْهَي .. مِنْ أوَّل غيابـكْ وإبْتِـدَى التأثيـر ..
حبيبي .. مِنْ التَّعَـبْ كافـي خذيـتْ اللِّـي يكفينـي ,,
يا أغلى مِـنْ رَحَـل عنِّـي يـا كِـلْ الحُـبْ والتقديـر ..
تعَاااااالْ إنْ كان لِـي عِنـدِكْ مَعَـزَّه وكـان تغلينـي ,,
تعَالْ: إنْ كِنـتْ تعشقنـي وإذا فِعـلاً تبـي لـي خيـر ..
تعَالْ: ومِدْ لِـي .. كَـفْ الوَصِـلْ .. وآمِـدْ كَفينـي ,,
إذا كـانْ الجِفـا واجِـبْ بـدى مِـنْ قلبـي التقصيـر ..
أبيـكْ الحِيـنْ .. تِرجَـعْ لِـي ولا تِـرجَـعْ تخليـنـي ,,
أنا مـا أقـولْ اللِّـي صَـار فِينـي مـا هقيتـه يصيـر ..
لأنِّي كِنتْ .. ( مِتأكِدْ ) .. بـأنْ البُعـد (ينهييينـي) ،،
الرئيسية 
أحدث الصور 
التسجيل 
دخول 
2009-03-30, 3:36 pm من طرف 
